2010 წლის 22 აპრილს საქართველოს სამართლებრივი განათლების პროგრამის (სსგპ) სომხეთში ვიზიტის შედეგებზე დაყრდნობით  სსგპ–ში ჩაბმულ სკოლებში მოსწავლეთა საბჭოების ჩამოყალიბების მიზნით სამართლებრივი განათლების პროგრამამ საწვრთნელი მეცადინეობა მოაწყო.

წვრთნა ქ. თბილისის #165 საჯარო სკოლაში ჩატარდა, თუმცა მეცადინეობას არა მარტო აღნიშნული სკოლის, არამედ რუსთავის #10 და #15 სკოლების უფროსკლასელები, მასწავლებლები და დირექტორებიც ესწრებოდნენ.

საწვრთნელი მეცადინეობების მთავარი ფასილიტატორები სომხეთის სამართლებრივი განათლების პროგრამის კოორდინატორი – დიუნიკ ვანესიანი და ამავე პროგრამის ექსპერტი – კარინე სამველიანი იყვნენ.  

წვრთნის მონაწილეებმა აღნიშნეს, რომ მსგავსი საბჭოების საქართველოს სკოლებში არსებობა ხელს შეუწყობს საშუალო სასწავლო დაწესებულებებში უსაფრთხო გარემოს უზრუნველყოფასა და არასრულწლოვანთა შორის დანაშაულებრიობის პრევენციას და შეთანხმდნენ მუშაობა დაიწყონ მომავალი სასწავლო წლისათვის თავიანთ სკოლებში მოსწავლეთა საბჭოს ჩამოყალიბების სტრატეგიაზე.